Ni-surrender ang usa ka political guide, supply officer ug duha ka miyembro sa New People’s Army (NPA) sa mga otoridad ug nagresulta sa pagka-rekober sa mga pusil, bala ug granada sa opisina sa 1003rd Maneuver Company, Regional Mobile Force Battalion 10 Headquarters, Sitio Colon, Barangay Halapitan, San Fernando, Bukidnon adtong Oktubre 15, 2025.
Gi-ila ang upat ka ni-surrender nga si alyas “Jelica,” 24 anyos, minyo, Political Guide; alias “Amang,” 26 anyos, Supply Officer, ug alias “Bandano,” 27 anyos. Nahibal-an nga ang tulo miyembro sa Squad Uno, Platoon Uno, Guerilla Front Malayag, North Central Mindanao Regional Committee, ug residente sa Sitio Nalubas, Barangay Palma Gil, Talaingod, Davao del Norte.
Samtang si alias “Arnel,” 22 anyos, single, miyembro sa ABE, Tersera Platoon, Pulang Bagani Command 3, Southern Mindanao Regional Committee, ug residente sa Sitio Butay, Barangay Cananga-an, Cabanglasan, Bukidnon.
Atol sa maong pagsurrender sa upat ka miyembro sa NPA kay giturn-over pud niini ang 2 ka units sa Cal. .357 revolver pistol, 1 cal. 38 unit nga na’ay walo ka live ammunitions, ug 1 rifle grenade ug usa ka NPA member’s handbook.
“We commend our personnel and partner agencies for their steadfast efforts in facilitating the surrender of these former rebels. PRO10 remains dedicated, together with the AFP and other government agencies, in assisting those who choose to return to the fold of the law through programs like E-CLIP. We continue to call on remaining CTG members to lay down their arms and embrace peace,” mensahe ni Police Brigadier General Christopher N Abrahano, Acting Regional Director sa Police Regional Office 10.
Source: Police Regional Office 10-RPIO