Narekober ang tinatayang P107.2-milyong halaga ng puslit na yosi sa ikinasang operasyon ng mga awtoridad sa baybayin ng Sta. Cruz Island, Zamboanga City bandang 4:30 ng hapon nito lamang Miyerkules, Nobyembre 12, 2025.
Nabatid na naharang ang dalawang bangkang-de-motor na kilala sa lokal na tawag na “Jungkung” at inaresto ang pitong suspek matapos na walang maipakitang kaukulang dokumento sa mga puslit na yosi na nakita sa mga naturang bangka.
Nabatid na umabot sa 1,532 master cases ng mga puslit na yosi na kinabibilangan ng Modern Red, Green Hills Menthol, Soda Red, at Soda Menthol ang narekober ng kapulisan na may kabuuang halaga na aabot sa P107,240,000.00.
“This operation sends a clear message: our waters and borders are not safe havens for illegal activity. The seizure of smuggled cigarettes, an act of economic sabotage, along with the recovery of illegal firearms, underscores our unyielding resolve to dismantle criminal networks that threaten public safety and economic stability. We will remain steadfast and vigilant, ensuring that law enforcement presence is felt across all entry points. Our priority is to protect the public interest, uphold the law, and maintain security across our maritime domain,” mensahe ni Police Brigadier General Eleazar P Matta, Regional Director ng Police Regional Office 9.
Source: Police Regional Office 9