Gitapos sa usa ka grandiosong musical recital ang kulminasyon sa Symphonic Orchestra Workshop and Management sa entablado sa Herminigildo Baloyo MD Hall, Tagum City adtong Disyembre 19, 2025.
Gipangunahan sa inilang musikero ug kondoktor nga si Maestro Felicito Sacdalan ang 3 ka adlaw nga pagbansay sa Symphonic Orchestra, nga gisalmutan sa mga instrument player sa siyudad sa Tagum.
Kini kabahin sa pagpangandam sa Lokal nga Panggamhanan sa Tagum, pinaagi sa Tagum Tourism and Culture Office, alang sa pagmugna sa pinakaunang Tagum Orchestra nga ilunsad sa umaabot nga Musikahan sa Tagum 2026.