Nagpadayon ang kulbahinam nga pagpangandam alang sa Miss Valencia 2026 Pageant, diin 15 ka mga maanyag ug talentadong kandidata ang nagpakita sa ilang determinasyon ug adbokasiya atubangan sa lokal nga panggamhanan.
Ang mga kandidata nagpahigayon sa ilang pormal nga courtesy visit kang Mayor Amie Galario niadtong Disyembre 22, 2025, didto sa City Hall Conference Room.
Malipayong gidayeg ni Mayor Galario ang mga kandidata isip tinuod nga mga ehemplo sa kabatan-onan ug simbolo sa kaanyag ug kaalam sa syudad.
Ang pagsuporta sa panggamhanan sa maong kalihokan nagpakita sa tinguha sa Valencia City, Bukidnon nga hatagan og higayon ang mga kabayen-an sa pagpasundayag sa ilang mga talento ug adbokasiya.
Ang mga kandidata sa Miss Valencia 2026 nagtinguha nga ipakita nga ang tinuod nga kaanyag nag-uban sa katakus sa pagpangulo ug paghatag og positibong epekto sa katilingban.
PIAD | Jay Fernandez-Ara
Photos | Carl Tradz