Patay ang usa ka negosyante human kini giratratan ug gi-pusil sa atubangan sa iyang kaugalingong tindahan adtong Domingo sa gabie, Disyembre 28, 2025 sa Purok Balunto, Barangay Labangal, General Santos City.
Gi-ila ang suspek nga si alyas “Allan” 38 anyos, negosyante ug residente sa maong lugar.
Nahibal-an nga samtang nagsara sa iyang tindahan ang biktima kalit lamang gi-doolan ug gipa-ulanan ug bala sa lalaki nga suspek nga hangtod karun wala pa nailhan ang pagkatawo ug naka-angkon ug samad-pinusilan ang biktima sa iyang ulo, likod, ug abaga nga hinungdan sa iyang hinanaling kamatayon.
Padayon ang General Santos City PNP sa lalom nga imbestigasyon sa maong insidente ug naa na’y person of interest ug ang nakitang motibo posible sa business-related ug gi-awhag ang katawhan sa kooperasyon arun masulbad ug mahatagan ug hustisya ang pagkamatay sa maong biktima ug labi na ang pamilyang nabiyaan.