Ni-surrender ang usa ka kidnaper nga miyembro sa Abu Sayyaf Group nga nagsagubang sa patong-patong nga kaso sa Camp Colonel Romeo Abendan, Mercedes Village, Zamboanga City niadtong Lunes, Disyembre 29, 2025.
Gi-ila ang ni-surrender nga si alyas “Mundi”, 33-anyos, residente sa Patikul, Sulu ug adunay Warrant of Arrests para sa mga kasong Kidnapping ug Serious Illegal Detention, Frustrated Murder ug Comprehensive Dangerous Drugs Act of 2002.
Atol sa pag-surrender niini, giturn-over pud niini ang usa ka 7.62 caliber M1 garand rifle sa kapulisan.
Solido ang PNP sa paghunong sa bisan klasi sa insurhensya ug terorismo nga babag sa kalinaw ug kalamboan sa atung nasud.