Wala na’ay kinabuhi ang usa sa duha ka suspek sa paglabay sa granada nga ni-resulta sa pagkasamad sa 22 ka indibidwal lakip na ang pipila ka mga bata sa gihimong hot pursuit operation sa otoridad sa Barangay Kilada, Matalam, Cotabato adtong gabie sa Enero 1, 2026.
Gi-ila ang suspek nga si alyas “Hammad” 40 anyos.
Nahibal-an nga una nagpabuto ang suspek ug nibalos ang kapulisan ug naigo kini sa iyang lawas nga maoy rason sa iyang hinanaling kamatayon ug narekober ang usa ka caliber .45 nga pusil.
Ang maong suspek ana a usab Warrant of Arrest tungod sa kasong pagpatay adtong naging tuig ug miyembro pud kini sa mga iligal nga aktibidad susama sa pagpamaligya ug shabu sa maong probinsya.
Solido ang PNP sa pagdakop sa mga taong makasasala ug ibutang luyo sa mga rehas arun mahatagan ug hustisya ang mga biktima nga naka-angkon ug samad atol sa maong pagbomba.