Naggilak-gilak ang kalangitan ibabaw sa Tagum City Flyover, sa gipahitabong Fireworks Display sa Dakbayan sa Tagum, alang sa engrandeng pagsugat sa bag-ong tuig.
Ang 15 ka minuto nga fireworks display, gidagsa sa mga Tagumenyo ug mga bisita nga gikan sa mga kasikbit nga lugar.
Nauna niini, nagdala usab og kalingawan ang New Year Countdown sa Tagum Crossing ug ilalum sa Flyover, nga gipangunahan sa mga lokal nga banda.
Ang makabilib nga community fireworks display, giorganisa sa Lokal nga Panggamhanan sa Tagum aron himuong luwas ug mas sadya ang pagkambyo sa tuig diri sa Tagum.