Patay ang usa ka pulis ug samdan ang upat nga kauban niini sa nahitabong engkwentro human sa pagsilbi sa warrant of arrest sa Buadipuso Buntong, Lanao del Sur niadtong Mayo 4, 2026.
Gi-ila ang pulis nga namatay nga si Police Corporal Kelvin Francisco, miyembro sa 41st Special Action Force, 4th Special Action Battalion, samtang ang upat ka samaran wala pa hinganli sa report.
Nahibal-an nga target sa operasyon ang wanted person nga si Sukair Diongcat nga nag-atubang og kaso nga Murder ug Attempted Murder.
Matud pa nga sa dihang namatikdan ang presensya sa kapulisan kay kalit lang kini gipang-sniper sa suspek sa wala mahibal-an nga direksyon, rason nganong nakahiagom ug mga samad pinusilan ang upat ka pulis ug rason sa kamatayon ni PCpl Francisco.
Padayon ang PNP SAF sa paggukod sa suspek ug gi-awhag ang katawhan sa kooperasyon ug tabang arun mapugngan ang bisan unsang bahad labi na sa seguridad sa katawhan arun makab-ot ang kalamboan sa atong nasud.