Gipahigayon ang mandatory drug test sa mga miyembro sa Police Regional Office Bangsamoro Autonomous Region sa Camp BGen Salipada K Pendatun, Parang, Maguindanao del Norte niadtong Lunes, Enero 5, 2026.
Nanguna sa maong mandatory drug test si Police Brigadier General Jaysen C De Guzman, Regional Director, Police Regional Office Bangsamoro Autonomous Region, ug kini gihimo sa tinguha nga ang tanang kapulisan nga nagserbisyo sa PRO BAR magpabilin nga matinud-anon, propesyonal, adunay integridad, ug walay kalambigitan sa paggamit o pagpang-apil sa bisan unsang transaksyon nga na’ay kalabutan sa iligal nga droga.
Samtang, nahibal-an nga kung adunay mag-positive result sa maong drug test kay mag-atubang ug administrative ug criminal nga kaso sumala sa balaod ug patakaran sa PNP.
