Nagmalampuson ang gihimong fiesta sa Black Nazarene sa kaolohan nga nisubay ug nilibot sa mga ruta sa Manila.
Libo-libong deboto ang nidagsa arun makighiusa sa tinuig nga selebrasyon labi na ang mga deboto nga ana-ay panata kay Señor Jesus Nazareno.
Bisan pa sa libo-libong deboto, hapsay ang maong aktibidad tungod sa pagpangandam sa PNP sa ilalom sa pagdumala ni Police Lieutenant General Jose Melencio C Nartatez Jr, Acting Chief, arun mamintinar ug malampuson ang maong aktibidad.
Nagbilar ug sa dalan na natulog ang kapulisan gikan pa sa Huwebes sa buntag, Enero 8, 2026 hangtod sa Sabado sa hapon, Enero 10, 2026 arun masiguro nga wala’y mahitabong kaguliyang atol sa Translacion 2026.
Hingpit nga mipasalig sa pagpanalipod sa mga kinabuhi, pagmintinar sa kahapsay sa publiko, ug pagsiguro sa usa ka luwas, hapsay, ug malinawon nga Traslacion 2026, aron ang mga deboto makapadayag sa ilang pagtuo uban ang disiplina, dignidad, ug seguridad-PNP.