Nagpabilin nga alerto ug naghatag ug seguridad sa gitoohang niabot sa 7.5 milyon ka tao o deboto sa Translacion 2026 taliwala sa kakapoy, kagutom ug kabilar nga nasinati sa kapulisan nga na-deploy sa fiesta sa Black Nazareno sa Manila gikan pa adtong Miyerkules sa Buntag, Enero 8, hangtod kaganina sa udto, Enero 10, 2026.
Wala’y pu-as ang pagbantay sa kapulisan arun masiguro nga wala’y daotang mahitabo atol sa maong aktibidad nga dako ka ayo ug impact sa mga Roman Catholic sa atong nasud, kay mao kini ang sugo sa amahan sa PNP nga si Police Lieutenant General Jose Melencio C Nartatez Jr, Acting Chief.
Kakapoy, kagutom ug kabilar ang nasinati sa tanang pulis peru kini gibaliwala sa atong mga alagad sa batas tungod kung ang milyon-milyon nga deboto nagpanata sa itom nga Nazareno, ang panata sa kada usa sa atong kapulisan, masiguro nga luwas, hapsay, ug malinawon ang maong prusisyon.