Sikop ang suspek sa pagpugot sa ulo sa usa ka 15-anyos nga dalagita pinaagi sa pagtinabangay sa Valencia City Police Station, kasundaluhan ug Bagani o tribal leader adtong Sabado, Enero 10, 2026 sa Buco, Banlag, Valencia City, Bukidnon.
Gi-ila ang suspek nga si alyas “Marlon”.
Nahibal-an nga bag-ohay lamang kini nakagawas sa presohan kay siyam kini ka tuig nagtingkagol ug balik na pud sa presohan human kini gitoohang gilugos pagkahuman gipugotan ug ulo ang biktima nga dalagita ug mag-atubang sa kasong Murder.
Nagpasalamat ang City Government sa Valencia, kasundaluhan ug kapulisan sa paspas nga pagresolba sa maong kaso tungod sa kooperasyon sa tribal leader ug katawhan arun mamintinar ang kahapsay sa maong siyudad.