Narekober sa gihimong joint operation sa mga otoridad ang pusil, bala ug IED components sa kalibunan nga bahin sa Barangay Concepcion, Valencia City, Bukidnon adtong Enero 9, 2026.
Narekober sa maong operasyon ang usa ka M16 rifle nga ana’ay itom nga sling nga adunay mga timailhan sa kalawang ug usa ka guba nga serial number, 44 rounds sa 5.56mm ammunition, tulo ka mobo nga steel magazines para sa M16 rifles, ug duha ka steel containers nga puno sa IED components.
“The successful recovery of these war materials highlights the effectiveness of our sustained internal security operations and the importance of close collaboration between police and military units in Bukidnon,” mensahe ni Police Brigadier General Christopher N Abrahano, Regional Director sa Police Regional Office 10.
