Nasakmit ang ₱720,000.00 kantidad sa puslit nga yosi sa gihimo nga operasyon sa PNP sa Barangay Kalagangan, San Fernando, Bukidnon niadtong Domingo, Enero 11, 2026.
Nahibal-an nga usa ka driver nga 37 anyos ug residente sa Asuncion, Davao del Norte ang nag-drive sa usa ka Toyota Hi-Ace Commuter van ug nadiskubre ang 18 master cases nga wala’y required government health warning labels ug wala kini maipakita nga legal nga dokumento sa dala nga kontrabando busa gidakop kini sa kapulisan.
“This operation reflects our strong commitment to curb the proliferation of smuggled and illegal goods that undermine the economy and endanger public health,” mensahe ni Police Brigadier General Christopher N Abrahano, Regional Director sa Police Regional Office 10.