Tingkagol ang usa ka miyembro sa New People’s Army (NPA) ug gi-ilang Top 2 Most Wanted Person sa Caraga Region human sa gihimong operasyon sa mga otoridad sa Sitio Tumoloy, Barangay Anticala, Butuan City, Agusan del Norte takna 2:30 sa hapon niadtong Enero 8, 2026.
Gi-ila ang suspek nga si alyas “Pedro”, 49 anyos, mag-uuma ug residente sa maong lugar.
Gidakop ang maong suspek sa bisa sa Warrant of Arrest sa kasong Murder nga wala’y girekomenda nga piyansa.
Nahibal-an nga miyembro ang suspek ilalom sa Squad 1, Platoon 1 sa Sub-Regional Sentro de Gravidad (SRSDG) Westland sa CPP/NPA ug suspek sa pagpatay ug ambush ka miyembro sa usa ka Civilian Armed Forces Geographical Unit (CAFGU) gamit ang AK-47 rifles adtong June 24, 2021 takna 7:30 sa gabie sa Purok 5, Barangay Tagbungabong, Remedios T. Romualdez, Agusan del Norte.
Nagpabilin ang PNP sa hugot ug dasig nga pagsikop sa mga miyembro ug tagasuporta sa PNP nga wala’y laing dala kundili pagbahad sa mga ordinaryong tao, gubot ug terorismo nga ma’oy babag sa pagkabot sa kalinaw ug kalamboan sa atung nasud.