Patay ang asawa ug kritikal ang kaugalingong anak human giunay ug luba sa usa ka padre de pamilya takna 8:00 sa gabie adtong Lunes, Enero 12, 2026 sa Brgy. Kiraon, Damulog, Bukidnon.
Gi-ila ang biktima nga si alyas “Celia”, 54 anyos, samtang naila usab ang anak nga si alyas “Jayson”, 34 anyos ug parehong residente sa maong lugar.
Nahibal-an nga ubos sa ilimnong makahubog ang suspek ug nagkalalis sulod sa ilang pinuy-anan.
Atol sa komprontasyon, giingong gikulata sa biktima ang suspek hinungdan nga gikuha sa suspek ang kutsilyo nga anaa ibabaw sa lamesa ug gidunggab sa tiyan ang anak. Dihang nisulay og pakalma ang iyang asawa, gidunggab usab kini sa suspek.
Diretso pud nadakpan ang suspek tungod sa paspas nga pagresponde sa mga Barangay Tanod ug Damulog PNP ug nagpahimangno nga ang problema dapat estoryahan nga kalma ug dili hubog arun malikayan nga maglalis ug dili mo abot sa panakit sa atong isig ka tao.
