Wala na’y kinabuhi ang usa ka leader sa New People’s Army (NPA) human nga nisukol kini sa mga grupo sa kasundaluhan sa nahitabong engkwentro takna 4:19 sa hapun niadtong Enero 12, 2026 didto sa boundary sa Bukidnon ug Barangay Kasapa 2, Lapaz, Agusan del Sur.
Gi-ila ang namatay nga si alyas “Ivan”.
Nahibal-an nga Team Leader kini sa Squad B, HQ, Force Neo, North Central Mindanao Committee.
Nakabsan kini sa kinabuhi tungod mas gipili niini nga mosukol sa kasundaluhan kesa mo surrender ug naigo sa banda sa iyang tiyan na bahin nga rason sa iyang hinanaling kamatayon.
Padayon ang pag-awhag sa uban nga miyembro ug tagasuporta sa NPA nga biya-an ang teroristang grupo ug mobalik sa sabakan sa gobyerno arun magsugod ug panibag-o nga kinabuhi uban sa ilang kaugalingong pamilya ug pagpanalipod gikan sa atong AFP ug PNP arun makab-ot ang tinuuray nga kalinaw ug kalamboan sa atong nasud.