Malampusong gipahigayon ang Tagum Prints 101, usa ka Product Labelling and Branding Workshop nga giorganisa sa Tagum City Business and Incentive Center ug Tagum City Negosyo Center pinaagi sa Tagum PRINTS Program niadtong Abril 30, 2026, sa Energy Park.l, Tagum City, Davao del Norte.
Gitambongan kini sa mga micro, small, and medium enterprises (MSMEs) ug mga aspiring entrepreneurs nga gustong mapalambo ang ilang product labels, branding, ug online presence.
Atol sa workshop, ang mga partisipante nakahimo sa ilang kaugalingong design outputs nga gi-print pinaagi sa Tagum PRINTS Shared Service Facilities.
Ang maong kalihokan kabahin sa padayon nga suporta sa Lokal nga Panggamhanan sa Tagum nga nagtinguha nga mapataas ang kalidad sa lokal nga mga produkto.
Gilauman kini nga maghatag og dugang kahibalo ug inspirasyon sa mga negosyanteng Tagumenyo aron padayon nilang mapauswag ang ilang mga produkto ug brand identity.