Nagtinabangay sa pagrescue sa mga stranded nga residente tungod sa kakusog sa bul-og sa baha ang mga miyembro sa Iligan City Police Office, Coast Guard ug Iligan City Disaster Risk Reduction and Management Office sukad pa gabie hangtud karung adlawa, Enero 6, 2026 sa lain-lain nga parte sa Iligan City, Lanao del Norte.
Ang tubig-baha tungod kini sa Bagyong Basyang nga nagdala sa pagkaguba sa mga sakyanan, appliances, ug pagka-anod sa mga balay.
Nagpahimangno ang lokal nga pagagamhanan ug mga otoridad nga magbinantayon ug magbakwit kung kinahanglan arun wala’y maosik nga kinabuhi diin ang siyudad gipailalom sa signal number 1.
