Giturn-over ang 20 ka assorted high-powered firearms gikan sa kanhi 13 ka miyembro sa New People’s Army (NPA) sa Camp Captain Ramon M Onahon, Malaybalay City, Bukidnon niadtong Pebrero 12, 2026.
Ang mga kanhi miyembro sa teroristang grupo nagpailalom sa programa sa gobyerno nga Task Force Balik-Loob Program ilalom sa Enhanced Comprehensive Local Integration Program (E-CLIP).
Nitambong sa maong aktibidad si Ms Shella Marie C Albarece, DILG representative kauban si Police Major Romar Jones T Cahucom, Chief, Provincial Logistics Unit ug representatives gikan sa 1st Special Forces Battalion, Philippine Army, Manolo Fortich Bukidnon, 1003rd Maneuver Company, Regional Mobile Force Battalion 10 ug si Police Colonel Oliver S Navales, Provincial Director sa Bukidnon Police Provincial Office.
Ang pag-surrender ug pagbalik sa sabakan sa gobyerno sa maong kanhi miyembro sa NPA, nagpakita sa maayong pagdumala ug dakong pagsalig sa kasundaluhan ug kapulisan labi na gobyerno nga motabang kanila arun magsugod ug utro layo sa kasamok ug kagubot nga dala sa teroristang grupo.