Nangunay sa paghatag sa rose ug chocolate sa mga kababayen-an nga mga pulis ug Non-Uniformed Personnel (NUP) si Police Brigadier General Jaysen De Guzman para sa pagsaulog sa Valentine’s Day 2026 sa PRO BAR Headquarters, Camp BGen Salipada K Pendatun, Parang, Maguindanao del Norte adtong Biyernes, Pebrero 13, 2026.
Ang mga pahiyom sa mga kababayen-an, dili gayud ikalimod nga gikilig ug nalipay sa simple nga aktibidad sa maong opisyal.
Ang tumong ni RD De Guzman sa pagpanghatag sa rose ug chocolate arun pasalamatan sa simple nga pamaagi ang tanan babae sa PRO BAR diin dako ug tabang sa pagpasiugda, pagpalambo sa kalinaw ug kahapsay, pagpalig-on sa pagsalig sa komunidad, ug paghatod sa dekalidad nga serbisyo publiko sa tibuok Bangsamoro Autonomous Region.