Gipalig-on sa Maguindanao del Norte Police Provincial Office (MDN PPO) ang pakigtambayayong niini sa mga ahensiya sa United Nations human sa usa ka courtesy visit sa mga representante sa UNICEF, United Nations Department of Safety and Security (UNDSS), ug World Food Programme (WFP) didto sa provincial headquarters sa kapolisan sa Brgy. Simuay, Sultan Kudarat, Maguindanao del Norte niadtong Hulyo 1.
Gidawat ni Provincial Director PCOL George D. Bagundol Jr. ang delegasyon, diin gihisgutan ang dugang nga pagpalig-on sa koordinasyon sa bahin sa seguridad ug ang padayon nga pagpatuman sa mga hiniusang programa alang sa humanitarian assistance ug kalamboan sa mga komunidad sa lalawigan.
Sumala sa MDN PPO, tumong sa maong panagtigom ang pagpalig-on pa sa panaghiusa tali sa kapolisan ug sa ilang mga international partner aron maseguro ang luwas ug epektibong pagpatuman sa mga programa nga nagpunting sa kalinaw, kahapsay, ug serbisyong makatawhanon.
Natapos ang panagtigom uban sa bag-ong saad sa duha ka panig nga ipadayon ang suod nga koordinasyon ug hiniusang paningkamot aron mapadayon ang kalinaw, kaseguridad, ug kalamboan sa tibuok Maguindanao del Norte.
Source: StarFM Cotabato