Gipahigayon ang bloodletting activity didto sa Barangay 6 Covered Court, Malaybalay City, Bukidnon niadtong Pebrero 19, 2026.
Kini gipangunahan sa Bukidnon Police Provincial Office ubos sa pagdumala ni Police Colonel Oliver S. Navales, Provincial Director.
Kauban sa maong kalihokan ang Office of the Punong Barangay sa Barangay 6 ubos sa pagpanguna ni Punong Barangay Manuel L. Sicalan III; ang Provincial Health Office ubos sa pagpanguna ni Dra. Michelle C. Go, Rural Health Physician; ug ang Bukidnon Provincial Medical Center nga gipangulohan ni Ms. Karen T. Vallecera, Team Leader.
Ang mga donors miagi og hugot nga screening aron masiguro nga sila physically fit, mapalapdan ang kahibalo kabahin sa mga benepisyo sa panglawas sa pagdonar og dugo, ug makahatag og tabang sa mga nanginahanglan og blood transfusion sa probinsya sa Bukidnon.