Gi-surrender sa mga residente ang 40 loose firearms ug eksplosibo sa mga otoridad sa Tukuran, Zamboanga del Sur niadtong Lunes, Pebrero 23, 2026.
Ang pagsurrender sa maong mga loose firearms kabahin sa padayon nga Small Arms and Light Weapons (SALW) Management Program sa kasundaluhan ug naglakip kini sa usa ka rocket-propelled grenade (RPG); usa ka 40mm M79 grenade launcher nga gipas-pas ang serial number; duha ka 7.62mm M14 rifles; duha ka caliber .30 M1 carbines; pito ka M1 Garand rifles; duha ka KG9 submachine guns; duha ka Ingram submachine guns; usa ka semi-automatic shotgun (SAS-12); kinse ka caliber .45 pistols; duha ka 12-gauge bolt-action shotguns; ug lima ka caliber .38 revolvers.
Dugang pud ang walo ka hand grenades, duha ka rifle grenades, usa ka quarter-pound nga TNT high explosive, ug upat ka rounds sa M203 live ammunition.
Ang seremonya gitambongan ni Brig. Gen. Samuel G. Yunque, commander sa 102nd (IGSOON) Brigade; Lt. Col. Rolando E. Vargas Jr., commander sa 53rd Infantry (MATAPAT) Battalion; ug Police Col. Bonifacio A. Arañas Jr., Provincial Director sa Zamboanga del Sur Police Provincial Office.
Mitambong usab ang mga opisyal sa lokal nga panggamhanan nga gipangulohan ni Tukuran Mayor Macario V. Tingson, mga miyembro sa Sangguniang Bayan, mga opisyal sa barangay, ug si Christine Baroro nga nagrepresentar sa Office of the Presidential Adviser on Peace, Reconciliation, and Unity.
Padayon ang gobyerno inubanan sa kasundaluhan ug kapulisan sa pagpaningkamot arun makab-ot ang tukmang kalamboan sa Zamboanga Peninsula.
