Tagumenyos, abli na ang usa sa mga lamian nga Chinese-inspired restaurant sa atong siyudad, nga nailhan usab isip usa sa mga paboritong kan-anan sa Davao Region!
Ang Dimsum Dinner nga nahimutang sa Purok N.E. Baysa, Visayan Village, Tagum City, Davao del Norte mao ang pinakaunang full building franchise sa siyudad.
Ilado kini sa ilang mga signature Asian-style dishes nga dugay nang gihigugma sa mga Pilipino.
Sila nailhan sa ilang lamian ug sulit nga dimsum selections sama sa siomai, steamed rice meals, noodles, ug uban pang comfort food nga swak sa panlasa sa magpamilya ug magbarkada.
Gawas sa ilang lami nga putahe, aduna usab sila’y komportable ug modernong ambiance nga angay alang sa casual dining, meet-ups, ug espesyal nga panagtapok. Abli sila matag adlaw gikan 7:00 sa buntag hangtod 11:00 sa gabii.
Sa padayon nga pagsulod sa nagkalain-laing mga negosyo sa atong siyudad, mas napamatud-an nga ang Tagum usa ka business-friendly nga lugar alang sa mga mamuhunan ug naghatag og dugang oportunidad sa trabaho ug panginabuhian sa mga Tagumenyo.