Ni-surrener ang tulo ka miyembro sa Militia ng Bayan sa kampo sa 1004th Maneuver Company sa Regional Mobile Force Battalion 10 sa Tagbak, Talakag, Bukidnon, takna 12:30 sa udto niadtong Biyernes, Pebrero 27, 2026.
Giila ang mga ni-surrender nga usa ka lalaki ug duha ka babaye, tanan residente sa Talakag, Bukidnon, ug ilang giturn-over ang duha ka improvised shotguns ug usa ka improvised handgun.
Nasayran nga ang tulo ka misurender mga sakop sa Sub-Regional Committee 5 sa North Central Mindanao Regional Committee.
Padayon ang pag-awhag sa gobyerno pinaagi sa PNP ug AFP sa tanan nga miyembro ug tagasuporta sa NPA nga mobalik sa sabakan sa gobyerno arun mo sugod ug balik, layo sa kasamok ug kagubot, kauban ang kaugalingong pamilya.