Sikop ang duha ka taas nga opisyal sa Bangsamoro Islamic Freedom Fighters-Bungos Faction sa gipahigayon nga joint operations sa mga otoridad sa Barangay Bonao, South Cotabato niadtong Biyernes, Pebrero 27, 2026.
Gipaila ang mga suspetsado nga sila alyas “Kagui Tatang” / “Kagui Onsek,” Field Commander sa BIFF-Bungos Faction ug nakalista isip High Value Individual (HVI); ug alyas “Kagui Rowaida,” medical staff member sa maong grupo.
Gidakop ang mga suspetsado pinaagi sa Warrant of Arrest alang sa mga kasong Multiple Attempted Murder, Destructive Arson, ug paglapas sa Republic Act 11479 o ang Anti-Terrorism Act of 2020.
Narekober usab sa maong operasyon ang usa ka caliber .45 pistol nga adunay usa ka magazine ug usa ka hand grenade.
Padayon ang pag-awhag sa uban nga miyembro ug tagasuporta sa local armed group nga biya-an ang teroristang grupo ug mobalik sa sabakan sa gobyerno arun magsugod ug panibag-o nga kinabuhi uban sa ilang kaugalingong pamilya ug pagpanalipod gikan sa atong AFP ug PNP arun makab-ot ang tinuuray nga kalinaw ug kalamboan sa atong nasud.