Tulo ka miyembro sa Bangsamoro Islamic Freedom Fighters o BIFF ug Dawlah Islamiyah Groups ang ni-surrender sa usa ka operasyon nga gihimo sa mga awtoridad sa Mamasapano, Maguindanao del Sur.
Nasayran nga ang mga misurender gikan sa BIFF/DI Karialan faction nga aktibo sa Mamasapano.
Gisurrender ang usa ka Barrett Rifle, M79 Grenade Launcher, M203 Grenade Launcher Tube, Mosin Rifle ug duha ka bala sa 7.62mm nga buhing bala.
Padayon ang pag-awhag sa uban nga miyembro ug tagasuporta sa local armed group nga biya-an ang teroristang grupo ug mobalik sa sabakan sa gobyerno arun magsugod ug panibag-o nga kinabuhi uban sa ilang kaugalingong pamilya arun makab-ot ang tinuuray nga kalinaw ug kalamboan sa atong nasud.