I-deploy ang anaa sa 4,000 ka pulis gikan sa Bukidnon Police Provincial alang sa selebrasyon sa Kaamulan Festival 2026 ug Northern Mindanao Regional Athletics Association (NMRAA) Meet 2026 inubanan sa tabang sa Bureau of Fire Protection, Armed Forces of the Philippines ug Force Multipliers sa gipahigayon nga send-off ceremony sa Capitol Grounds, Malaybalay City, Bukidnon karung adlaw sa Miyerkules, Marso 18, 2026.
Gisiguro ni Police Colonel Oliver S. Navales, Provincial Director sa Bukidnon Police Provincial Office, ang kaluwasan sa tanan lakip na ang mga turista nga modagsa sa Kaamulan Festival 2026 nga gi-ingun nga mokabat sa kapin 500 thousand ang lokal ug turista nga makigsaulog sa Kaamulan Festival.
Mapasalamaton si PCol. Navales sa Provincial Government sa Bukidnon sa suporta nga gipadangat sa PNP arun masiguro nga magmalampuson ang mga kalihukan layo sa kriminalidad, bahad ug kasamok ug pormal magsugod ang selebrasyon sa Kaamulan Festival 2026 ugmang adlawa, Marso 19, 2026 lakip na ang pagsugod sa NMRAA Meet 2026 diin host ang Bukidnon.
