Padayon nga nagpakita sa kaalam ug kahanas ang mga Senior High School students sa atol sa Estudyanteng Hanas 2026 nga gipahigayon sa Trade and Exhibition Center, Rotary Park, Tagum City, Davao del Norte adtong Miyerkules, Marso 18, 2026.
Gibida sa mga estudyante ang ilang kahanas sa EIM (Electrical Installation and Maintenance), Motorcycle Top Overhauling, Gasoline Engine Tune-Up, Motorcycle Electrical Wiring, SHS Blouse & Skirt, ug Techno Fusion. Matag usa kanila nagpakita sa ilang kahibalo ug abilidad sa gisalmutan nga kompetisyon.
Pinaagi niini, nahatagan og angay nga entablado ang mga estudyante aron mapakita nila ang ilang kahanas sa Technical-Vocational skills, nga magamit nila sa ilang pilion nga propesyon sa umaabot.