Ang Pamahalaang Panlungsod sa Valencia, ubos sa pagpanguna nila Mayor Amie Galario ug Vice Mayor Greizl Galario-Fernandez, naghatag og mainiton nga pagbati sa pagpahalipay ug pagpasidungog kang PCDT Joanne Gwen Buscagan Huiso, tungod sa iyang pagkab-ot sa Top 3 nga ranggo sa Philippine National Police Academy (PNPA) ug sa pagkahimong usa ka SILG Kampilan Awardee.
Kining talagsaong kalampusan nagpakita sa dedikasyon, kahusayan, ug pagkamalahutayon—nga nagpasabot sa kusog, abilidad, ug liderato sa kababayen-an.
Ang iyang kalampusan naghatag og dakong dungog dili lamang sa iyang pamilya, kondili usab sa tibuok Lungsod sa Valencia ug sa Probinsya sa Bukidnon.
Hinaut nga kini nga kalampusan magpadayon og inspirasyon sa kabatan-onan ug sa komunidad aron maningkamot sa pagkab-ot sa pangandoy sa kinabuhi.
Gipasigarbo ka sa Lungsod sa Valencia!
Source: City Government of Valencia, Bukidnon