Gikondena sa pamunuan sa Police Regional Office–Bangsamoro Autonomous Region ang nahitabong brutal nga ambush nga misangpot sa kamatayon sa lima ka pulis ug pagkasamaran sa tulo pa ka pulis nga nakadestino sa 2nd Maguindanao del Sur Provincial Mobile Force Company sa Barangay Mother Poblacion, Shariff Aguak, Maguindanao del Sur niadtong Sabado sa gabii, Marso 28, 2026.
Giila ni Police Brigadier General Jaysen C. De Guzman, Regional Director sa PRO BAR, ang namatay nga sila si Patrolman Kenneth Perocho, Patrolman Al-Fatah Marohom, Patrolman Amil Bangsa, Patrolman Arsenal Sivih, ug Patrolman Sayed Ridwan.
Sa pagkakaron, padayon pang ginatambalan ang tulo ka pulis nga sila si Police Captain Alfred Gregory, Platoon Leader; Police Staff Sergeant Adam Kamarudin Kansi; ug Patrolman Abubakar Lauban, nga nakaangkon og mga samad sa lain-laing bahin sa ilang lawas tungod sa walay hunong nga pagpamusil sa mga wala pa mailhing armadong suspek.
“This deliberate and cowardly act against law enforcement officers will not be tolerated. PRO BAR has launched intensified manhunt operations and is pursuing all leads to identify and apprehend the perpetrators. We assure the public that all necessary measures are being undertaken to bring those responsible to justice and hold them fully accountable. We call on the public to remain vigilant and cooperate with authorities. PRO BAR remains steadfast in its mandate to uphold peace, order, and justice, and the Philippine National Police will continue to serve and protect with resolve.” mensahe gikan sa PRO BAR.