Na-rescue ang lima ka babae sa human trafficking scheme nga nahibal-an nga mo adto na unta sa Malaysia sa gihimo nga pag-assist sa kapulisan sa Zamboanga Seaport, Zamboanga City niadtong Marso 29, 2026.
Ang mga babaye ana a sa kamot sa Ministry of Social Services and Development (MSSD) Zamboanga Satellite Office, ug gisiguro ang ilang kaluwasan ug naghatag og dali nga tabang human sa ilang naagian.
Sumala sa mga report, ang mga biktima giingong gi-recruit aron magtrabaho sa Malaysia isip escort masseuses, nga gitintal pinaagi sa saad nga makadawat og kita nga tali sa Php30,000 hangtod Php34,000 sulod lamang sa napulo ka adlaw. Apan, ang ilang pagbiya napugngan niadtong Marso 24 sa Bongao, Tawi-Tawi sa mga operatiba sa Philippine National Police Maritime Group – 1st Special Operations Unit tungod sa kulang nga travel documents ug kapakyasan sa pagsunod sa hustong proseso sa pagbiyahe.
Human sa interception, ang mga biktima gitugyan sa MSSD Tawi-Tawi Provincial Office, nga nagpasayon sa ilang luwas nga pagbalik ngadto sa Zamboanga City uban sa tabang sa MSSD Zamboanga Satellite Office.
Sa ilang pag-abot, ang mga babaye gidala sa Processing Center for Displaced Persons Region IX alang sa komprehensibong assessment, psychosocial counseling, ug orientation bahin sa mga risgo ug tinuod nga kahimtangan sa human trafficking.
Ang maong interbensyon kabahin sa Humanitarian Assistance and Transfer for Individuals in Distress (HATID) Program sa MSSD, nga nagtinguha sa pagpanalipod sa mga bulnerableng sektor, lakip na ang Locally Stranded Individuals (LSIs), Returning Filipinos from Sabah (ReFS), ug uban pang mga populasyon nga anaa sa peligro.
Gipahinumduman pag-usab sa PNP ang publiko nga magpabiling mabinantayon batok sa malimbongong mga job offer sa gawas sa nasod nga kasagaran gigamit isip tabon sa mga operasyon sa human trafficking.