Narekober ang klasi-klasi nga mga high-powered firearms ug explosives sa gipahigayon nga operasyon sa mga otoridad sa Kipaypayon ug Mahayag, Quezon, Bukidnon niadtong Biyernes, Marso 27, 2026.
Lakip sa mga narekober ang duha ka M79 grenade launcher, duha ka KG9 submachine gun, tulo ka improvised shotgun, usa ka pistol-type shotgun, usa ka .45 caliber pistol, upat ka .357 revolver, usa ka .38 revolver, usa ka .38 pistol-type firearm, ug usa ka .22 caliber pistol.
Nahibal-an nga nakuha usab ang duha ka improvised explosive device (IED), usa ka hand grenade, duha ka baofeng radios nga dili na magamit, mga bala, subersibong dokumento, ug lain-laing parte sa armas.
Ang maong kalampusan usa ka dakong lakang sa pagmintinar sa kalinaw ug seguridad sa probinsya sa Bukidnon sa tabang sa kasundaluhan ug kapulisan inubanan sa katawhan.