Padayon ang pagdagsa sa mga deboto karong adlawa sa nagkalain-laing lugar sa peregrinasyon sa Cagayan de Oro, ilabi na sa Guadalupe Shrine ug sa Malasag Station of the Cross. Kini kabahin sa balaang buhat sa penitensya, pagpahayag sa pagtuo, ug pagtuman sa saad sa Semana Santa karong Huwebes Santo, Abril 2, 2026.
Alang sa kaluwasan sa publiko ug sa mga responder, ang City Disaster Risk Reduction Council – Incident Management Team (CDRRMC-IMT) nagpabiling nakaalerto ug aktibong nagbantay sa sitwasyon. Gipangulohan kini ni Incident Commander Nick Jabagat aron masiguro ang hapsay nga trapiko, kaluwasan sa mga deboto, ug dayon nga pagresponde sa bisan unsang emerhensya.
Nagpasalamat ang Dakbayan sa Cagayan de Oro sa tanang miyembro sa IMT nga naglakip sa Bureau of Fire Protection, Cagayan de Oro Police Office, Task Force Oro sa 4th Infantry Division Philippine Army, City Health Office, Roads and Traffic Administration, CLENRO, mga barangay personnel, ug sa nagkalain-laing boluntaryo nga grupo nga nagpadayon sa pagserbisyo sa publiko.
Source: Cagayan De Oro City Information Office