Gihiusa sa Lokal nga Panggamhanan sa Dakbayan sa Davao ang pelikula, arts, turismo, ug lokal flavors pinaagi sa Duaw Davao: The All-In Expo-Films and Arts Exhibit, Tourism Showcase, ug Food Bazaar niadtong Hunyo 22, 2026.
Uban ang 31 ka mga exhibitor, gipasiugda sa maong kalihokan ang mauswagon nga creative industry sa dakbayan, nagkalain-laing kultura, ug mga lokal nga kasinatian—nga nagpakita sa mga butang nga naghimo sa Davao nga usa ka dinamiko ug talagsaong destinasyon alang sa mga bisita ug mga lumulupyo.
Ang expo nagsilbing plataporma alang sa mga artista, negosyante, mga stakeholder sa turismo, ug mga lokal nga prodyuser aron magkonektar, magtinabangay, ug ipasundayag ang labing maayo nga maikapasigarbo sa Davao.
Padayon ang expo hangtod sa Hunyo 24, 2026.
Photos: Davao City Information Office
