Patay ang usa ka newly-born baby human gilambos sa iyang kaugalingong inahan pasado 11:30 sa buntag niadtong Hunyo 21, 2026 sa Purok Adelfa, Barangay Tres de Mayo, Digos City, Davao del Sur.
Sa inisyal nga imbestigasyon, giingong nangayo ang inahan og ilimnong makahubog apan wala kini tagda sa iyang bana.
Gibutyag usab sa mga residente nga nadunggan nila ang tyabaw sa masuso ug maoy gikakurat dihang gisusi, nga gituok kini sa iyang inahan.
Misulay pa unta og pugong ang mga silingan apan wala na naabti dihang gilambos sa suspek ang iyang anak nga maoy hinungdan sa hinanaling kamatayon niini.
Nadakpan dayon ang suspek sa mga kapulisan kinsa giingong nag-antus sa mental health condition.