31 ka mga batang estudyante ubos sa Special Needs Education (SNED) Program gikan sa nagakalain-laing tulonghaan sa siyudad ang mitambong sa gipahigayong Art Workshop Activity for Chilren with Special Needs sa City Hall Atrium adtong, Hunyo 20, 2026.
Ang kalihokan gipangulohan sa City Social Welfare Development Office (CSWDO) uban sa suporta sa mga konsehal sa siyudad sama ni Konsehal Oloy Ong nga mihatag og macaroni soup, Konsehal Leo Revita sa ice cream, ug Konsehal Ciara Isabelle Uy-Salazar nga mi sponsor sa inflatable playground alang sa mas engaging nga activities.
Samtang kapin 30 ka mga Special Program in the Arts (SPA) students ang aktibong miboluntaryo gikan sa Laureta National High School, Tagum National Trade School, Tagum City National High School, ug La Filipina National High School aron masiguro ang hapsay og organisadong dagan sa programa. Gipahigayon usab ang Paper Coiling Activity alang sa mga ginikanan.
Kini nga inisyatibo gipahigayon sa Lokal nga Panggamhanan sa Tagum ubos sa liderato ni Mayor Rey T. Uy, isip pag selebrar sa umaabot nga 48th National Disability Right’s Week ubos sa Proclamation No. 597.
Ang mga obra nga nabuhat sa mga SNED students ipasundayag sa GMall Tagum gikan Hulyo 17 hangtod 20. Kini usa ka pamatuod nga ang Tagum usa ka inklusibong siyudad nga naga hatag og importansya sa tanang sektor sa komunidad.