Gipahigayon sa City Mayor’s Office – Business Permits and Licensing Division (CMO-BPLD), ubos sa pagpanguna ni Salvador U. Yacapin, ang motorela ocular inspection sa nagkadaiyang lugar sa Poblacion, Malaybalay City, uban ang City Traffic Management Center niadtong Abril 6–10, 2026.
Tumong sa kalihokan ang pagsiguro nga ang tanang Motorized Tricycles for Hire (MTH) nga nag-operate sa siyudad, permitido man o dili, nagasunod sa mga lagda ug regulasyon sa lokal nga panggamhanan.
Atol sa inspeksyon, gisusi sa team kung updated ba ang permit sa mga operator ug kung ang mga unit nagasunod sa mga kinahanglanon sama sa paggamit og four-stroke engines subay sa mga ordinansa.
Kini nga inisyatiba kabahin sa pagpatuman sa Ordinance No. 484 (s. 2002), Resolution No. 2007-9211, ug Ordinance No. 900 (s. 2019), aron masiguro ang luwas, legal, ug environment-friendly nga operasyon sa mga motorela sa Malaybalay City.
Report ni: Aimee Joy Binayao, BPLD-NADA