Arestado ang usa ka babae nga Vice Commanding Officer ug isa ka babae nga miyembro sa New People’s Army (NPA) sa magkahiwalay nga operasyon sa mga awtoridad sa Surigao del Norte ug Agusan del Norte niadtong Abril 4–6, 2026.
Giila ang mga suspek nga sila si alyas “Lennie,” nga apil sa Top 3 Provincial Most Wanted Person sa Surigao del Norte ug nag-atubang og kasong Human Trafficking, ug si alyas “Anne,” nga giila nga Number 2 Regional Most Wanted Person sa Police Regional Office 13 ug nag-atubang og kasong Murder ug Multiple Attempted Murder.
Nahibal-an nga ang duha ka babaye nailhan nga mga “amasona” sa Sandatahang Yunit Pampropaganda, Guerrilla Front 16, ug Sub-Regional Sentro de Grabidad (SRSDG) ilalom sa North Eastern Mindanao Regional Committee (NEMRC) sa Communist Party of the Philippines/New People’s Army (CPP/NPA) ug nagsilbi isip Vice Commanding Officer ug miyembro sa maong grupo.
Padayon ang pag-awhag sa uban nga miyembro ug tagasuporta sa NPA nga biya-an ang teroristang grupo ug mobalik sa sabakan sa gobyerno arun magsugod ug panibag-o nga kinabuhi uban sa ilang kaugalingong pamilya ug pagpanalipod gikan sa PNP arun makab-ot ang tinuuray nga kalinaw ug kalamboan sa atong nasud.