Miabot na sa Cotabato City ang tulo ka electric bus nga gipalit sa city government aron magamit sa mga kawani sa lokal nga gobyerno ug sa publiko.
Matod ni Cotabato City Mayor Bruce Matabalao, gipapalit ang maong mga electric bus atol sa kasagsagan sa gubat sa Middle East ug sa pagsaka sa presyo sa mga produktong petrolyo.
Ang tulo ka bus maglibot sa tibuok siyudad gikan Lunes hangtod Biyernes aron maghatag og libre nga sakay sa mga pasahero. Ang matag bus adunay kapasidad nga makasakay og 25 ka tawo.
Miabot na usab ang mga metal detector nga ipanghatag sa mga eskwelahan aron gamiton sa pag-inspeksyon sa mga bag sa mga estudyante.