Nauwi sa engkwentro ang pagsulay sa mga otoridad nga moserbisyo sa warrant of arrest batok sa Top 1 Most Wanted Person sa BARMM ug Maguindanao del Sur sa maong lungsod.
Sumala sa Maguindanao del Sur Provincial Police, namatay si Amar Sansawi Usman, nga nailhan usab sa alyas nga “Akhie Usman,” lakip ang usa pa niyang kauban, atol sa giingong pagdepensa sa kaugalingon (self-defense) sumala sa mga otoridad.
Gituohang miyembro ang duha ka suspek sa Dawlah Islamiyah-Hassan Group nga adunay kalambigitan sa ISIS. Gidala pa sila sa ospital apan gideklarar nga dead-on-arrival.
Si Usman ang gitudlong responsable sa pag-ambush sa mga personnel sa Philippine National Police (PNP) sa Shariff Aguak niadtong Marso, ingon man sa pagpatay sa tulo ka negosyante og kanding nga taga-Batangas.