COTABATO CITY — Giimbestigahan sa kapulisan ang insidente sa pagpamusil sa likurang bahin sa Barangay Hall sa Tamontaka 4 niadtong Abril 14, 2026, sayong kaadlawon.
Matod sa report, nadungog ang mga buto gikan sa swampy area ug dayon mitubag ang Police Station 3 kauban ang augmentation forces. Nasuta nga gipusilan sa wala pa mailhing mga suspek ang barangay hall, nga nakaigo sa pader ug bintana.
Walay nasamdan sa insidente, ug walay narekober nga basiyo sa bala. Nagpadayon ang imbestigasyon aron mailhan ang mga suspek ug motibo, samtang gipahugtan ang seguridad sa lugar.
Source: StarFM Cotobato