BASILAN — Patay ang duha ka managsoon sa usa ka trahedya nga nahitabo sa Barangay Lanote niadtong Biyernes sa gabii.
Sumala sa inisyal nga taho, misangpot sa bayolente nga insidente ang panaglalis sa duha ka managsoon human sila magkasagutan, nga miresulta sa pagpanglabo ug dayong pagkamatay sa usa kanila.
Ang suspetsado misurender sa mga awtoridad ug gidala sa detention facility. Apan samtang naa sa kustodiya, kalit kining nakasinati og grabeng sakit. Gidali pa kini og dad-on sa ospital apan gideklarar nga dead on arrival.
Padayon pa ang imbestigasyon sa mga awtoridad aron mahibal-an ang tibuok detalye sa nahitabo nga insidente.
Isip pagrespeto sa pamilya sa mga biktima, wala na gipadayag ang ilang mga ngalan.