30 ka endangered nga Rafflesia mira nga tanom ang nadokumento sa Department of Environment and Natural Resources sa mga lasang nga parte sa Tarragona, Davao Oriental.
Ang hiniusang grupo sa LAWIN Forest and Biodiversity Protection System ug CENRO Mati nakarekord og 30 ka indibidwal, nga tanan nakit-an sulod sa hapit usa ka ektarya nga lugar, sa kahabogon nga mga 1,053 metros ibabaw sa lebel sa dagat.
Matod sa ahensya, ang paspas nga imbentaryo gihimo human sa mga taho nga adunay nakakita sa maong specie.
Gidugang pa nga ang nadiskubrehan naghatag usab og importante nga basehan alang sa padayon nga pagtuon, pagmonitor, ug pagpalig-on sa mga paningkamot sa pagpanalipod.
Sa mga indibidwal nga nakit-an, 10 ang hingpit nga namulak o anaa sa yugto sa anthesis, 13 ang nag-uswag pa nga mga putot nga nagrepresentar sa pre-anthesis nga yugto, ug 7 ang nangalaya na nga mga bulak nga natural nga nagkalaya.
Sumala sa DENR, posible pa nga adunay ubang indibidwal nga natago pa sa mas lawom nga bahin sa lasang, tungod kay ang survey limitado lamang sa usa ka bahin sa lisod nga terrain.
Nagpasabot kini nga ang specie dili pa kritikal nga nangahanaw, apan ang iyang pagpadayon sa kinaiyahan “dili sigurado kung magpadayon ang mga hinungdan nga nagdala sa hulga.”
“Its presence in a relatively high density suggests that the site may hold significant ecological and conservation value. Beyond its scientific value, the discovery in Tarragona validates the hidden richness of Mindanao’s forests and botanical gems,” mensahe gikan sa DENR.