Ni-surrender ang upat ka miyembro sa New People’s Army (NPA) sa mga otoridad sa Sarangani Province niadtong Mayo 7, 2026.
Ang mga misurender giila sa ilang mga alyas nga “King”, “Jack”, “Alas” gikan sa Maasim, ug isa ka menor-de-edad nga si alyas “Mobil” gikan Kiamba.
Nasayran nga nisurender ang upat ka miyembro sa NPA tungod sa kalisod sa kinabuhi sulod sa kalihukan, kakulangon sa pagkaon, kakapoy, ug padayon nga pagtago.
Dali usab nakadawat og tabang gikan sa lokal nga panggamhanan sa Maasim ug Kiamba, sama sa rice assistance ug financial aid.
Ang maong pagsurender resulta sa padayon nga operasyon ug mga programa sa gobyerno nga nagtumong sa pagdasig sa mga miyembro ug tagasuporta sa NPA nga mobalik sa sabakan sa gobyerno arun magsugod ug panibag-ong kinabuhi uban sa ilang pamilya.