Nagpahigayon ang Malaybalay City Health Office og Maternal and Under-5 Death Review (MUFDR) niadtong Hunyo 3, 2026 sa Garden Party Venue, Malaybalay City, Bukidnon aron mapalambo ang serbisyo alang sa mga inahan ug kabataan.
Gitambongan kini sa mga doktor, nurse, ug midwives gikan sa City Health Office (CHO) ug Bukidnon Provincial Medical Center (BPMC).
Gipresentar sa mga midwife ang mga kaso sa maternal ug under-5 deaths aron masuta ang mga hinungdan ug kakulangan sa paghatag og serbisyong panglawas.
Pinaagi sa maong review, tumong sa CHO ug mga kauban niini nga mapalig-on ang mga programa ug serbisyo aron malikayan ang kamatayon sa mga inahan ug kabataan ug masiguro ang mas luwas ug himsog nga komunidad.
Ni: Mhegan L. Dominguez, CHO-NADA