COTABATO CITY – Gisaulog sa Bangsamoro Government niadtong Hunyo 19 ang ika-55 nga anibersaryo sa Manili Massacre, usa ka trahedya nga nagpabiling lawom nga bahin sa kasaysayan sa Bangsamoro.
Niadtong Hunyo 19, 1971, nagtigom sa Barangay Manili, Carmen, North Cotabato ang mga Moro nga gilangkuban sa kalalakin-an, kababayen-an, ug mga bata sulod sa usa ka mosque human giingong giimbitar alang sa usa ka malinawon nga dayalogo. Apan, nahimong mapintas ang maong panagtigom ug mikalas sa kinabuhi sa gibanabana nga 70 ka mga tawo.
Gihulagway ang insidente isip usa sa labing ngitngit nga mga kapitulo sa kasaysayan sa Bangsamoro nga nagbilin og dakong kasakit sa mga pamilya ug komunidad nga direktang naapektuhan.
Sa paghinumdom sa ika-55 nga tuig niini, gihatagan og pasidungog sa Bangsamoro Government ang mga biktima ug gipasiugda pag-usab ang ilang paningkamot alang sa kalinaw, hustisya, ug pagpreserba sa maong makasaysayang panumduman isip kabahin sa kolektibong pagkaayo ug pagsabot sa kasaysayan.
Matod pa sa BARMM, ang paghinumdom sa Manili Massacre nagsilbing pahinumdom sa kamahinungdanon sa padayon nga pagpalambo sa kalinaw ug panaghiusa sa rehiyon ug sa pagsiguro nga dili na mausab pa ang susamang mga trahedya.