Mipartisipar ang mga empleyado ug kliyente sa Lokal nga Panggamhanan sa Tagum sa 2nd Quarter Nationwide Simultaneous Earthquake Drill (NSED) karong adlawa, Hunyo 18, 2026.
Mituman ang mga partisipante sa “Duck, Cover, and Hold” procedure atol sa simulated ground shaking ug dayon organisadong mibakwit sa exit routes padulong sa evacuation area human sa drill.
Gipangunahan ang maong kalihokan sa City Disaster Risk Reduction and Management Office uban sa mga Safety Officers sa matag opisina, Bureau of Fire Protection Tagum, Philippine National Police Tagum, ug PNP-SAF. Human sa evacuation drill, nagpahigayon usab og building assessment aron masiguro ang kahimtang ug kaluwasan sa mga pasilidad sa City Hall.
Ang maong kalihokan kabahin sa padayon nga paningkamot sa LGU-Tagum sa pagpalig-on sa disaster preparedness ug pag-andam sa mga empleyado ug kliyente sa hustong pagtubag panahon sa emerhensiya.